الرئيسية
((الساكنات في قلوب الغرباء))
في منتصف الليل في ليلة البارحه , وفي كورنيش مدينة الخبر تحديداً ، كنت أقضي وقتي مع صديقي (( الحضري )) سلطان إلي معه بلاك بيري >> ؤش دخل البلاك بيري بالموضوع هع هع ,
كنا مستمتعين بالنقاش في الجانب الرياضي , قطع حديثنا أتصال لهاتف صديقي سلطان , أجبرني ذلك الأتصال على السكوت والأستماع فقط :
سلطان (( هلا والله بالغاليه , ما بغيتي تقومين من النوم , ما تسوى علينا هالأختبارات اللي حرمتنا سماع صوتك وشوفتك يا حلوه ,
أكيد الحين شكلك يخوف وشعرك طاير لأنك نايمه من المغرب للحين , هاه وش سويتي مع دكتورتك الغبيه اللي رفضت تعيد لك أختبارك , عساها قبلت العذر الطبي اللي دبرته لك , قبلت العذر ؟ الحمدلله , شدي حيلك ولا تروح عليك نومه مره ثانيه ثم يفوتك الأختبار, توصيني شي , شنو بغيتي , بغيتي أجيب لك عشاء من هارديز الحين , تأمرين أمر , بس ترى بجيبه وأنزله عند باب البيت وأمشي لأن معاي صديقي عبدالكريم إلي معه البلاك بيري , يالله نشوفك على خير والله الله بالمذاكرة ))
أنا : أفاااااااا يا سلطان , مسوي محترم وولد ناس واخر شي تغازل ؟ 
سلطان : أنا اللي مفروض أقولك افاااااا , لأنك تشك فيني وأنت تعرفني زين ياصقيقي  .
أنا  : أيه أعرفك زين والقهر أني ما أدري أنك راعي غزل ومكالمات اخر الليل , ماعلينا المهم قلي وين بيتها عشان نودي العشاء لها  .
سلطان :أنت تقصد بيت البنت ؟؟
البنت يا طويل العمر بنفس البيت اللي ساكن فيه أنا , وتحديداُ بالغرفه اللي بجني غرفتي , لأن هذي المتصله أختي  (( وعلامة الثقه تملئ محياه)) .
أنا  : من جدك تكلم أختك كذا ؟؟ تستهبل ؟؟ والله أنك منتم صاحيين يالحضر , أجل فيه أحد يكلم أخته كذا ويعرف كل شي عنها  ؟؟
سلطان : نعم فيه ناس تكلم أهلها كذا , تدري ليه ؟؟
أنا : ليه يا حضري ؟؟
سلطان :طيب يا بدوي , لأن البنات يحتاجون للحنان ومعامله طيبه من أخوانهم عشان ما يلجؤون أنهم يدورون عنها خارج المنزل مع الصالح و الطالح , فهمت الحين ليه أعامل أختي كذا  ؟؟
إنا : ايه فهمت !!!!!!!!!!!!!!!!!
أنتهت ,,,,,,,,,
سؤال/ لو كل أخ يعامل اخته مثل سلطان ، أو كل اب أو أم يعاملون بناتهم مثل سلطان .. هل سيسكنون في قلوب الغرباء ؟؟[center]
