الرئيسية
كيف تتعلم اللغة الانجليزيه بدون وجع راس
ازعجونا في اللغه وهي سهله بس المشكله في المعلمين ، فقعو روسنا بالقواعد والفاعل والمنصوب والناصب والحرامي
لكن انا جيتكم وبعلمكم بدون وجع راس يالله نبدأ:
افرض واحد ضربك على اصعبك بقوه وش بتقول : اي اي اي ,,,,, لاتسوي نفسك ذكي وتقول اح ,,لأن الضربه قويه لازم اي اي اي ,,,,
i = معنها = انا
هل تحب جبنة بوك= لاحظ بوك بس نوع فاخر بوك= book = كتاب
هل تحب الكت كات= لاحظ كات بس نوع بناتي فاخر
كات=cat =قط
هل تحب شاي= لاحظ شاي
shy = خجول <<<<<< يعني تقدر تقول
i'mshy <<<<<<<<< انا خجول
وانت واقف تطالع المرايه ,,,, فار مر ,,, تحت رجولك ماذا يحدث,,,, بتصير مشاكل كبيره ,,, ليش كذا ؟
فار مر ,,,, معنها مزارع
; farmer <<<< مزارع
من مايعرف الرئيس الامريكي ( بوش )
-بوش = push = يدفع
_يعني = يدف =
وتلاحضونها على الأبواب
يعن تقدر تقول= ادفع الباب او دف الباب = push the door = بوش ذا دور
كلمه ثانيه:واحد يقولك: كيل تفاح تصير قوي_ كيل برتقال _كيل موز
لاحظ كيل ) كيل = تعني = يقتل او اقتل = kill= اقتلني
= كيل مي = kill meا
و= اقتله = كيل هيم= kill him
كلمه ثانيه:
واحد يطق الباب وش تقول: اكيد تقول ( مين) مين مين مين
mean = مين = تعني = معنى = او قصد =
كأنك تسأل وش معنى كلامك او وش قصدك
مثال:
تسأل واحد وش قصدك ؟ what do you mean = وات دو يو مين
كلمه ثانيه:
وعلى فكره كلمة = com الي تشفونها في الرابط = تعني = شركه =
وهي اختصار كلمة = company
تسمعون البزر يقول الى امه : ماما يالله قوه البيت = قوه قوه = ياقليب قليبوه
المهم واضح معنها لكم :
go = قو = قوه
يالله نروح= let us go = ليتس قوه
كف = فيه واحد ما جاه كف على وجهه ؟ انا بصراحه تصفقت لين دخت >>> لاتصدقون
كف= معنها = كحه
. كف = cough
تقدر تقول= i have cough = اي هاف كف = انا عندي كحه او سعال
مذر كير = من مافيه منا مايعرف مذر كير = طبعا = هذي ماركه تهتم بملابس الأطفال او اسم
محلات تهتم بملابس الأطفال تشفونها دائما بلأسواق ( دعايه مجانيه ) يالله بسيطه ,المهم
مذر كير= عباره عن كلمتين دائما النساء
ينطقونها ومايدرون انهم يتحدثون الأنجليزيه بطلاقه , نقسم الكلمتين
مذر = ام +ماما +امي= الي تبون تسمونها= مثال /
هذه امي = this is my mother = ذس از ماي مذر
كير= عنايه= او اهتمام او يهتم او يحرص= care = كير = مثال/ انا اهتم فيك = i care about you = اي كير اباوت يو
انا اهتم = i care = اي كير
باوار هورس = مشروب الطاقه المعروف موجود في السوبرماركت = لو تلاحظون عليه رسمة حصان
هورس = حصان = horse
باوار= قوه =power
ركزوا معي في تركيب الجمله = انا عندي حصان = i have horse =
لاحظوا = i have = متكرره
, i have = انا عندي
يعني حطوها في بداية الجمله وحطو اي شي عندك
= مثال / سياره + كتاب + اي شي = i have a car = انا عندي سياره
الرئيس الأمريكي السابق ( بيل كلينتون )
بيل + bill = فاتورة
= يعني وانت في المطعم تبين الفاتوره تقولي
= عطني الفاتوره = give me the bill = قيف مي ذا بيل
او تقول = بيل بليز = فاتوره لو سمحت = اهم شي تدبري عمرك
بلوتوث = واواواواو
bluetooth
معروفه مايبي لها طقة عصاة
بس اللي كثيرين مايعرفونه انه وش معنها
؟بلوتوث تعني = الناب الأزرق = او لو حبيتوا نقول الضرس الأزرق ماشي,
, بلو= blue = ازرق
توث= tooth =الناب او الضرس
هذا الحرف وشلون تنطقونه ( T ) = تي صح = تي ,تي , تي= معنها = شاهي = t ea = تي
سيف = سيف معروف اذا بغى الشاب يرقص في العرضه مع الشيوخ لازم يجيب معه سيف وينتبه لايخبطه الي جمبه
سيف= save = يحفظ او يحمي او ينقذ = يعني تقدر تقول: احمني او انقذني = save me او احفظ المعلومات = save it او احفظ الصوره =save the picture = سيف ذا بيكتشر
فار = مخلوق نذل يصعب مسكه الا اذا جبتو له قطو لأن القطو رجال ومايخاف اما نحن النساء الله يخلف علينا والله ننحاش وتوصل اننا ننقل من الحي كله ونترك له البيت ملعون الوالدين
فار= far = معنها = بعيد = تقدر تقول = انت بعيد مره = u are so far = يو ار سو ( فار) = so = تعني جدا ,مثل very
يعني تقدر تقول= u are very far =يو ار فيري فار = على كيفكم
ني = اللحم ني او الدجاج مو مستوي ني
ني= knee = معنها = ركبه
بس ماعليكم من حرف الكاف في بداية الكلمه ماينطق =k nee = تنطق = ني
كان = ( كان) ياما( كان) في قديم الزمان تركيه وا م كشه , بس ( كان ) فيه ام القنازع وخربت عليهم
كان = CAN = يستطيع او يقدر = انا استطيع = I CAN
ممكن يكون معنها اسم بمعنى = علبه او صفيحه = يعني علبة البيبسي تسمى كان لأن فيه فرق بين العلبه والقزازه
طيب وش رايكم كسبت التحدي ولا لا؟
موضوع اعجبني ونقلته لكم
فيه نوع من الطراااااافه
وحبيت تشاركوني
اتمنى لكم متعة القراءه[/size]
عدل سابقا من قبل دبلوماسية في الأربعاء نوفمبر 24, 2010 1:15 pm عدل 1 مرات (السبب : وجود رابط غير مسموح بة)
