الرئيسية
من الامور المهمة لنا نحن الفتيات ، يديين ناعمه واظافر قويه ..
ومع انه الاهتمام يكون سهل ولكن التعامل الخاطئ أحياناً لفترات يسبب جفاف وتشققات ومنظر غير جيد ..
ولاشك أن منظر اليدين يدل على مدى اهتمامك بنفسك وبجمالك
حاولت ان نجمع لكم تجاربنا الناجحه وتجارب الاخريات الموثووقه( وحرصنا على ذلك )
ونوضح لكم طرق الاهتمام
فلنبدأ نستعرض المشاكل :
يدك جافه ؟
مسمره من الشمس ؟
اظافرك مكسره ضعيفه ماتنمو ؟
يدنيك خشنه من المنظفات ؟
ووو ...
خلينا مع بعض ندور الحل ..
[ مشكله جفاف اليدين وخشونتها ]
أولاً بالبداية ، اذا كانت المشكله من المنظفات نحاول نبدأ التقليل ولبس القفاز البلاستكي ( خليه دائم قريب منك )
وبعد الغسيل والتنظيف غسلي يدك بماء دافئ ثم ضعي كريم اليدين الخاص فيك
او(كريم فازلين الوردي الخاص باليدين)
اذا استمرت المشكله .. على طول راجعي الدكتور
- اتذكر مرره جتني سناعه موطبيعيه انا واختي وتنظيف بالكلوركس
وع طول بعدها يدي خشوووونه والم .. رحت الدكتور عطاني كريم وع طول انحلت المشكلة ..
اما اذا مشكلتك الجفاف من قله الاهتمام :
نحتاج بين فتره وفتره الى عمل تقشيير لليد ، يعني مثلا كل اسبوع مره او مرتين
طيب..كيف نعمل التقشير؟ وايش نحتاج ؟
احسن مقشر من تجربة :
1- مقشر استفيز. st.ives.
- مقشر السكر او الملح و عصييرالليمون اوخل تفاح ( خل التفاح يطري الجلد )
طيب كيف نقشر ؟
تغسلين يدك بماء دافئ .. بعدين تاخذين كميه من المقشر المناسب لك
ونبدا نقشر بحركات دائريه ونركز ع الاماكن الخشنه ونركز ع المفاصل ..
ونخلي الخليط فتره ع اليد بعدين نغسل وندهن بزيت زيتوون
[ اهتمام سريع ودائم نتيجه رائعه ]
- فيه طريقه جربتها فتره ومرره فتحت لون اليد وخصوصا المفاصل
استخدمت اسيكنول البابايا في كل مرره اغسل يدي
- خلي قريب من المغسله فرشاه اسنان قديمه واذا غسلتي يدك
فركي المفاصل والاظافر ع السريع وبشوويش
- ودك بالكريمات بس ماتحبينها حطيها قبل النوم والبسي القفاز البلاستيكي
او انتي تشتغلين على النت
- احيانا اذا مسكت معي سناعه وغسلت كثير ع طول من اخلص اخذ سكر
وأعصر شوي ليمون وافرك شووي وبعدين اغسلها واحط زيت زيتون واعمل مساج لليد
- مقشر تسووينه وتخلينه دايم ع المغسلة أي مقشر عندك( ملح الحليب , مقشر المشمش ، صابون { دوف أو
طاووس } ، مبشور ، ومع ماء ورد وشوي زيت ) يوم ورا يوم قشري يدك او 3 مرات بالاسبوع
- عندك جفااف مالـه حل ابد خل الفازلين العادي قريب منك
وكلما غسلتي ويدك مبلله خذي شويه فازلين وامسحيه بها لان اليد خاليه من الغدد الشحمية
فنحرص على ترطيبها
- حروق اليد كريم ميبو حل مضمون باذن الله
- الواقي اللي تستخدمينه لوجهك حطي منه ليدك لاتنسينها
- اذا نظفتي الاظافر بالاسيتون حاولي تحطين بعده زيت زيتون ع الاظافر مع التدليك لاجل ترطبينها
- عدة المونيكير والبديكير اشتري لك شئ خاص افضل وصحي اكثر
- الكريمات المعطرة لليدين لاتكثرين منها يعني ع خفيف ويفضل تكون من الماركات المعروفة واستخدميها من وقت لاخر
[ تجارب ]
- زيت زيتون+ زيت اللوز الحلو+2 م بيكربونات الصوديم ، تفتح اللون بشكل ملحوظ ( وانتي تحطينه حاولي تدلكين الاماكن السمراء ) .
- جليسوليد + فازلين + نشا + خل تفاح لنعومه اليدين .
- غسل اليدين بماء دافئ + خل تفاح او عصير ليمون بعدين تجففينها ع خفيف
يعني تبقى فيها شويه مويه وبعدين شوي فازلين .
- المرفقين عندك جافه جدا لما تتوضين على طول خذي شوي فازلين ورطبيها وكل مرره سوي كذا
وفترره بتلاقينها بإذن الله رطبه وناعمه وطبعا لاتنسينها من التقشير
* عند استخدام الحلاوه :
أولاً : اعملي تقشير ليدك بالسكر والليمون
عشان لو كان فيه شعر صغيرون يطلع وانتي قشري بحركات دائريه
( لو عملتيه قبل بفتره يوم او ساعه ساعتيين افضل بعد)
ثانياً : غسلي يدينك بصابون ديتول < موسوسه بس والله افضل شئ
ثالثاً : لما تشيلين اذا صار الجلد مره احمر خلاص لاتعيدي عليه
يسمر ويبقع ع الفاضي اللي ماتقدريين عليه بالحلاوه شيليه بالآلة
آخر شي : جهزي شوي نشا ومويه ورد بارده
وحطيها ع يدينك( كلما تخلصين يد حطي عليها النشا افضل لك واريح من بعد الالم يبررد مرره )
الى ان تجف بعدين ادهنيها بزيت زيتون( بيخفف نمو الشعر باذن الله )
- لو كنتي ماتعرفيين تشيلين ..شقري يدك قبله بيوم بعدين
اليوم الثاني شيلي ( الشعر اللي ماقدرتي تشيلينه بيكون لونه فاتح وماراح يوضح )
- بعد التقشير تضعين سيروم( لتجديد البشرة ) مع التدليك
انا عني ماجربتها بس اتوقع انه سيروم فيتامين سي ..
[ مما جمعنا لك ]
*من مدونه يوتيرن فاشن:
** نصائح عامه للعنايه بالاظافر واليدين
لكي يكون نمو أظافرك جيد يجب أن تضعي في اعتبارك عدة أشياء أهمها:
- لا تحاولي كسر أو خدش أو أن تقومي بأكل جوانب أظافرك.
- ارتداء قفاز طبي عند استعمالك أشياء بها مواد كيمائية.
- يجب أن تقومي بتقليم أظافرك جيداً كل عدة أسابيع للمحافظة عليها ولكي تبدو في أحسن صورة.
تقليم الأظافر:
- إن تقليم الأظافر شيء آمن ولكن يفضل عدم القيام به بكثرة.
- والتقليم يكون بترك قمة مستديرة وجوانب ذات شكل مربع لزيادة قوة الأظافر ولتقليل عملية الكسر.
- ويجب أن نجعل الأظافر رطبة وكذلك الجلد المحيط بها لمنعها من الكسر والتقصف وخاصة في فصل الشتاء.
- ومن المواد المرطبة المستعملة هي التي تحتوي علي حمض اللاكتيك وحمض الماليك.
- ومادة الكيوتيكل مهمة جداً لصحة الأظافر لأنها تعمل كغطاء يمنع المياه والمواد الأخرى
من تدمير الخلايا التي تنتج الأظافر، وجرح هذه الخلايا تجعل الأظافر تنمو بصورة غير طبيعية
أو إذا كان الجرح كبير فان الأصابع لا تنمو بعد ذلك.
- ويجب الحفاظ علي هذه المادة بإضافة مرطبات للحفاظ علي المادة الناعمة.
- حاولي انك ما تغسلين يدك بالصابون بطريقة مبالغة يعني الوسواس القهري بطليه
في الشتاء ( خصوصاً ) النظافة من الايمان يعني مرة وحدة تكفي سواء بعد الغدى او العشا
عاد وقبل ما تنامين دلكي ايدك بزيت زيتون لمدة 5مس الى عشر دقائق
وفي حاجة ثانية انو تاخذين ليمونة صغيرة وملعقة سكر وتفركين فيها يدك بلطف وانتي قاعدة
تغسلينها
البديكير مرتين في الشهر يعني بعد كل 15 يوم
* تمارين لليدين عشان تعطيها شكل جميل وناعمة :
- افتحي وسكري يدينك ثمان مرات بسرعة
- صفقي بيدينك 20 مرة بس بقوة لانها تحرك الدم في يدينك
[ منتجات ]
- كريم فازلين الوردي رائع ويطول الاظافر ونعم اليدين .
- حبوب الزنك تقوي الاظافر بشكل ملحوظ .
- جونسون بزبدة الشيا هذا خطنطر .
- ومجموعة اللوز من بودي شوب رايقه
- قلم للأظافر من مجموعة اللوز
- كريم اولاي( يستخدم للتفتيح )
- منتجات سالي هانسن( تتواجد بنكتار غالبا )
- منتجات مافالا للاظافر(mavala )تتواجد بقزاز
(فيه للجلد الميت المحيط بالاظافر..فيه لتقويه الاظافر..الخ.)
- ادوات البديكير والمنيكير ، فور ايفر ، مكياجي ، اشيائهم كويسه على مدح الاغلبيه
- فيه كريم يطري الجلد حول الاظافر مرره كويس بس ريحته موش ولا بد
Flexitol Cuticle & Nail Cream
