قصة بنت في احدى المنتديات حقيقية ومؤثرة

قصة البنت ..
بنت محترمه حشيمه عاقله بس طيبه وايد تحب تساعد الناس
مواضيعها قويه تدل على هيبتها ردوده تدل على ثقلها ورزانتها
ويوجد الكثير مثل هذي البنت في منتدانا بنات اصل وفصل ..
المهم
هذي البنت تحكي قصتها وتقول ..
كنت اخدم الكل واسوي تواقيع للكل سويت لي صداقات فالمنتدى
اخوان واخوات عمري ما غلطت في حق انسان بس اذا حد غلط علي ياويله
درات الايام والبنت صارت عضو مهم فالمنتدى
جاتها رساله خاصه من واحد معجب وقل ادبه حقرته وحرقته بكلامها
وقالت له تخيل اني وحد من اخواتك سكت ولانه مريض قال بنتقم
ليش هاي ترفضني وانا وانا وانا يعني مداح نفسه الريال
المهم والاهم
فكر الريال كيف يقهر هالبنت المسكينه اللي مارضت تخون اهلها وتبيع نفسها برخيص
وتعرفون شو سوى؟
اشترك فالمنتدى بس
بنك بنت ..!!
وغير عمره ونزل مواضيع ورد على مواضيع وكل ماتنزل البنت موضوع ردت عليها
برد يجذب البنت على اساس انه بنيه والبنت على نياتها
اللي صار بعد تقريبا شهرين (( له طولة بال مب طبيعيه))
طرش لها رساله خاصه ..!!
المرسل
السلام وعليكم
شحالج يا
انا بصراحه متلومه منج بس مالقيت حد غيرج وبطيبة قلبج
بصراحه اباج تسويلي توقيع لاني ماعرف اذا مافيها ازعاج
صوره ونشيد اسلامي (سبحان الله)
ردت عليه ع انه بنت ..!
وعليكم السلام
بخير دامج بخير
افا عليج ياختي بسويليج من عيوني بس طرشيلي الصوره والنشيد(شكلها البنت متدينه)
المرسل
امممممم للاسف انا ماعرف احمل الصور ولا الاناشيد
انزين ممكن تضيفيني عندج عالايميل واطرش لج الصوره والنشيد وعقب سويلي بلوك
ضافو بعض وطرش الصور وسوتله توقيع
وتم صديقات وسوالف
والريال يقول اليوم انا بسير العمره على اساس انه بنت..!!
والبنيه تقول ياحليها هاي وايد محترمه
وقام الولد يراويها صورة يهال على اساس انهم اخوانه والبنت مصدقه ..!!
وقال تبيني اراويج صورتي ..؟!
قالت البنت هيه فضووول
وطلع الها صورة بنت محجبه وراواها ( شوفو الخبث كيف )
وقامت البنت على نياتها مسوين حفله فالبيت وقالت بوريج ربيعتي الصور
ويارباه يالمصيبه ..!!!
راوت الريال صورها وصور الحفله واخواتها وكل شي (الطيبه تصير غباء فكل الاوقات)
قام الريال سرق الصور كلهن ..
والمفاجئه اللي صيح البنت
هددها وقالها انا فلان وانا وانا وماعرف شوووو
ماخلى شي ما قاله والبنت تصيح وتصيح
بس بعد شوووو ماتفيد الدموووع عورتها طلعت جدام ريال غريب والله مصيبه
قال بنشر الصور وخوفها وطلب فلوس ويبا اشياء ثانيه
حسبي الله ونعم الوكيل
الله يعينها ..
نصيحه لك اخواتي ..
لاتثقون فاي شخص ..ومب كل شخص مثل ما تتوقعون ..
ترى الاصابع ما تتشابه وعيال الحرام وايد فانتبهو يا خواتي.

لا حول ولا قوة
تسلمي الغالية ع القصه
خف بصراحه وشوي بصيح
ما أقول غير الله يحمينا من هالنوع من الشباب
تقبلي مروري

مروركم نور صفحتي

مشكورة قمر مسقط
الله يساعدهاا
والله يحمينا

لاحووول ولا قووة الا بالله
الله يصبرها بس


تسلمي حبوووبة قصة حلووة مرة وماثرة
وفيها عبرللناس وفوائد

يسلموووووووووو على القصه

والله يعينها البنت



بنات ما كل من يطلب ايميلكن تعطنه

واذا عطيتنه انتبهن



تحياتي

اشكرج ع الطرح عزيزتي

عن جد رجل حقير