الرئيسية
مبغاك تاخذ مني الغالي وتمشي
وقف معي في ساعة الضيق واللين
ابغاك الى هلت دموعي تمشي
خلك معسكر عند باب الحجاجين
سولف عليه كل شيء لا تخشي
وانا لك اصغي ياحياتي بالاذنين
لكن في حبك حذر لا تغشي
كفى حبيبك طعنته بين جنبين
لا تجرح الاحساس واتقول مشي
غلطه وما تنعاد والعفو تكفين
وانا ادري ان الكذب فيك امتفشي
لكن حبك معمي القلب والعين
ازعل عليك ايام وارجعك عشي
كنك مع نبضي حليل الشرايين
تخاريف
تسقاطت اوراق غرسة حبنا ياليله
واخاف باكر منك تسقط في يدينك روحي
مشروعنا فالحب فاشل مير قصي ذيله
لا تتعبي نفسك وتبني فالخيال اسروحي
الحلم الى منك عجزتي فهمه وتاويله
لا تلطمي خدك وعندي تجلسين اتنوحي
العين غالي دمعها والصوت من يوحي له
اليا انقطع حبل الرجاء وش لك بنبش اجروحي
فرض العزاء ما يرجع الميت لبيته ليله
نجمه الى منه هو اء روحه معاه اتروحي
والحزن الى منه وقع فالنفس كيف انزيله
دام المحاجر دمعها في ناظره مفضوحي
عبنا الزمن والعيب فينا غير ويش الحيله
من طوقه قيد القدر بالله كيف ايروحي
يامتعبه رجلي .حبيبك لا تهدي حيله
لا انتي بلغتي غايتك ,ولا وصلت اطموحي
